موراد الهلاك الإجتماع الإنساني

1- ان تظن انك انت واللي بتنتمي له دايما صح ومش بتغلط فلا تطور رؤية نقدية لقناعاتك. 

2- ان تقولب كل المخالفين في قالب واحد وتبعد عن تفسير كلامهم وافكارهم وتركز على تصيفهم علشان تريح نفسك من عناء التفكير في كلامهم. (دول ما بيفهموش, دول متعصبين, دول بيكرهونا, دول اعداء الإنسانية)

3- التانين وحشين لمجرد انهم تانيين فهما مش موجودين وانت مش بتشوفهم وهما اقل من انك تاخد وتدي معاهم. الحكاية دي بتخليك لا تتفاعل مع الفكرة اللي بتطرح ولكن تبدأ توصف شخص قائلها , يعني بدل ما تقول انا شايف ان الفكرة دي غلط علشان كذا وكذا تقول ان اللي كاتب الفكرة شخص غبي او مدعي او متعصب او اهبل , او اي بلا ازرق ودي مقدمة للي بيقولوا عليه شيطنة الأخرين اللي بتأدي في الأخر الى الإيمان ان لا حقوق لهم ويستحقوا القمع او حتى التسفيه او الإهانة ( اول ما ظهرت ظاهرة الألتراس في مصر في مشجع باسكت اتحرق واتوبيس مشجعين اتحرق بالمناسبة يعني مش شرط الحكاية تبقى في صراع عرقي زي رواندا) 

4- التضخيم المبالغ فيه في اخطاء الأخرين والتحصين المبالغ فيه لكل الحاجات اللي انت بتنتمي لها. لو التانين كسروا اشاره مرور تتكلم عن وحشيتهم وبربريتهم لو اللي انت بتنتمي ليهم عملوا جناية سرقة او فساد او قتل اما تنكرها واما تقول بتحصل في كل حتة.