انهيار فكرة الدولة القومية في سوريا

الدولة القومية اختراع حديث تقريبا مع نهاية الحروب الدينية في اوروبا وصلح ويستفاليا سنة 1648 وظهرت في الأساس نظرا لفشل الدولة القائمة على الهوية الدينة او الدولة الأمبراطورية في تحقيق الأستقرار لنفسها ولمواطنيها, اذن فهي هامة لحفظ امن مواطنيها ولحفظ استقرار حياتهم ولحفظ قدرتهم على التعايش السلمي بين بعض وكمان حفظ حقوقهم وحرياتهم, اذن فهي مش الهدف , الهدف حفظ الأمن والتعايش السلمي والحقوق والدولة القومية وسيلة لتحقيق كده.. لو فشلت بقى ايه اللي بيحصل ؟ اللي بيحصل ان الناس بترجع للأصل او الهدف الأساسي انهم يعيشوا مع بعض في سلام بأقل قدر ممكن من القمع والقهر الغير شرعي , فبتظهر كيانات تانية تضم الناس على اساس تاني ,, مكانش الهدف عند اليوجوسلافيين هو الحفاظ على وحدة يوجوسلافيا لأن يوجوسلافيا في الأساس مكانش ظهورها هدف في حد ذاته بل كان الهدف هو حياة افضل للبشر في ظل نظام او ايدولوجيا ظنوا انها هنحقق الحياة الأفضل دي, فلما فشلت الفكرة محدش قال ان الحفاظ على يوجوسلافيا الهدف الأسمى لأن يوجوسلافيا زيها زي اي دولة هي كيان في الأساس غائي (اي اتعمل للوصول لغاية معينة وليس هو الغاية في حد ذاتها) لكن كان الهدف الأسمى هو الهدف الأصلي. طبعا الكلام ده بيعتبر كفر بما هو معروف من القومية العربية بالضرورة المبنية اساسا على فكرة ان سايكس بيكو مؤامرة, طيب تيجي تقولهم يا جماعة ما تتجاوزوا سايكس بيكو وتبنوا دول مختلفة بحدود محتلفة بما انكم مش قادرين تعيشوا على بعض يطلعوا عليك بالشعار تحيا الدولة ولو على حساب اخر واحد في الشعب. وهو ده اللي بيحصل في سوريا نحافظ على الدولة على حساب الشعب.