اكتب لكي يجد الناس شيئا يستحق ان يختلفوا حوله

بعضهم يملك قدر من الأمراض النفسية والذهنية تكفي بلد بضواحيها ومجالها الحيوي.. بمجرد ما يكتب حاجة على الوول بتاعه في الفيس بوك او على التايم لاين في تويتر وحد يعلق عليه بالرفض او النقد يقوم حاطط الأستاتوس الأكلاشيه انا اكتب اللي انا عايز اكتبه واللي مش عاجبه يشيلني او يعملي بلوك. يا اصدقاء المرضى النفسيين انتم بتكتبوا في المجال العام واي فكرة حضرتك بتتحفنا بيها مش نازلة معلبة من السما  وزيها زي اي حاجة بيقولها البشر قابلة ان الناس  ترفضها او تقبلها , تحبها او تكرهها, تستحقرها او تستعظمها. ومن حقهم يقولوا رأي على اي شيء بيتكتب في هذا المجال العام. مش عاجبك ابقى اكتب على حائط بيتكم وبلاش تتكلم في المجال العام خالص تريح اعصابك المريضة وتريح بقية البشر الناس. جميعنا يكتب لكي يتفق معه الناس فيتجمع مع من هم مثله وبيفكروا بطريقة قريبة لتفكيره, او  يختلف معه الناس فينشأ جدل يطور الفكرة ويصقل التجربة ويجعلنا نبحث عن المساحات الوسطى لا المساحات التي تقع على الأطراف. اخرج من فكرة "انا اكتب لكي ينبهر الناس" , بل انت تكتب لكي يجد الناس شيئا يستحق ان يتناقشوا فيه سواء رفضا او قبولا.