شركاء الخيبة

بصوا يا جماعة طريقة التفكير الخايبة دي ولا هتقدم ولا هتأخر وهتخلينا اسرى الخيبة التقيلة الى الأبد.. انا مش عارف تيار مدني وليبرالي ازاي المفروض اهم صفاته العقلانية والتفكير النقدي  وتحرير الفكر  من الأساطير واحنا بنروج خزعبلات هبلة وعبيطة.. زي زلزال  متخيل تماما لا اساس له من الصحة حصل في باكستان متزامنا مع زيارة مرسي وندور على اي حادثة طريق بتحصل في اي بلد بيزورها حتى لو بتاريخ قديم (زي حكاية تلوج المانيا اللي كان تاريخها قبل زيارته بشهرين -على اعتبار ان المانيا عمرها ما شافت تلج-) وزي حكاية حادثة الهند (على فكرة الهند دي شبه قارة سكانها بليون نسمة وبيحصل كل يوم فيها حوادث طرق بعدد كبير بالتناسب مع المساحة والسكان)  .. هذه الطريقة في المعارضة تثبت ان الجميع سواء لا فضل ولا مبادىء ولا بديل افضل.. الكل سواء في اختلاق الأكاذيب وتضليل العقول والتربص ولما تزنق حد بكدبة يقولك احنا كنا بنهزر .. نحن شعب يستحق هذه الحكومة وهذه المعارضة لأننا لا نحاول ان نكون افضل وطالما ذلك كذلك فلا طريق للنجاة ,وسيظل الجميع موالاة ومعارضة شركاء لكن شركاء في الخيبة.. ودومتم.