ترامب في الكنيست: خطة سلام تحت تهديد السلاح

السباحة ضد التيار مرهقة ومتعبة لكن انا هاقول اللي يرضي ضميري واللي اراه صواب ورزقي ورزقكم على الله. كتبت امبارح بوست ان النظام بيحاول يطردنا بأي وسيلة من الإنتخابات دي فجت لي ردود من اصدقائي لا بيطردنا ولا حاجة ده عايزنا نكمل. ده كلام انا لا اتفق معاه بالشواهد وليس بالتخمين
بصوا يا جماعة بخلاف اللي حصل مع عنان وقنصوة وشفيق الأسطورة الشعبية بتقول انهم عايزين خالد يكمل وده كلام انا مش شايفه
مفيش اي دليل على الأرض بيقول ان النظام عايز خالد يستمر, امبارح اللجنة العليا للإنتخابات رفضت تدي لخالد بيان بالتوكيلات بتاعته, اتسرقت توكيلات من مندوبين لخالد من 3 ايام , خالد نفسه عليه قضية عبثية , الناس اللي حوالين خالد متضيق عليهم , التوكيلات فيها اخطاء ادارية لإفساد التوكيل... كل دي شواهد بتقول ان خالد بيتضيق عليه مش بيتشجع لعلشان ينزل زي ما بتقول الأسطورة الشعبية... اما فكرة بقى اننا ممكن نبني تيار على الأرض يكلم الناس بدون انتخابات فدي حاجة مش بتحصل ولا هتحصل لا في مصر ولا في غير مصر... لولا اصرار قطاع مننا انه ينزل الإنتخابات مكانش النظام عمل كل البلاوي اللي عملها واتفضح ادام قطاع عريض واتخمر ضده غضب اكتر ...

تغريدة خارج السرب .. كل ما يقرب من المصلحة العامة هو الخير حتى لو بدى ممل وسخيف ومش درامي بالشكل الكافي, وكل ما يبعد عن المصلحة العامة هو شر حتى لو بدى دراماتيكي ومؤثر و بومباستيك ... معارضة متربية على الإنسحاب وانسحبت اكتر ما اشتبكت معارضة هشة وضعيفة ومفككة ولا تصنع تيار ولا سياسات بديلة وان طال الزمن ... المشاهد الدرامية ربما تصنع ابطال لكنها حتما لن تصنع بطولة... اعلان هزيمة جيل فشل ان يخرج من ازمة المسلمات والمعارك التي تثير غبار ولا تحقق نصر.