تحرك كرة الثلج ضد نظام السيسي- 3 شواهد, 3 عقبات, 3 واجبات

3 شواهد تقول إن كرة التلج تحركت 1) الهزيمة الساحقة في معركة الاعلام رغم ضخامة امكانياتك وضعف إمكانيات خصمك. 2)رغبة الناس إن تسمع ما يدينك إنت وعيلتك وتصدق كلام حتى يتهمك بجرايم دنيئة وخسيسة ومنحطة بعد أن كانت حتى ترفض إن تصدق فيك كلمة نقد بسيطة. 3) المناقشات بدأت تتصاعد حول عقلانية النزول ضدك كاحد الخيارات بعد أن كان مجرد الكلام في النزول أمر مستبعد كراهة التحريم.

بس لسة في 3 عقبات كبار، 1- نجاح نظامك في نشر فزع ورعب كبير بين الناس. 2- غياب تنظيم حتى لو على مستوى السوشيال ميديا. 3- مصالح قطاعات كبيرة في الجيش ضد اي حركة في الشارع حتى لو بيكرهوك. الحركة يعني مطالبة برقابة مدنية على المؤسسة العسكرية ودي أصبحت في عقيدة جنرالات الجيل الحالي بمثابة خيانة للقيم المؤسسة للجيش المصري.

وفي المقابل في 3 واجبات علينا.

1) التنظيم،لازم نشكل شكل تنظيمي مرن لحركة ديمقراطية مصرية تطالب بمطالب التغيير وتطرح بدايل. حتى لو تنظيم على صفحة في الفيس بوك. أنا شخصيا باقترح صفحة زي ال الموقف المصري كنقطة تجميع لجهود التنظيم ده. أهمية التحالف الجامع على مبادىء ديمقراطية إنه بيحول الديمقراطية لخطة عمل، وبيدي الناس أمل في بدائل امنة بدل ثنائية يا إحنا يا هما إللي بيرفعها السيسي زي ما رفعها كل رؤساء دولة يوليو.

2) لا نفرط في التفاؤل بحيث اننا نصور للناس أن هذا النظام سقط خلاص، ولا نفرط في التشاؤم ببث روح انهزامية حتى لو في صورة كوميكات ساخرة. مفيش داعي لنشر ثقافة إننا أصفار المعادلة إللي مالهاش قيمة. مبارك مكانش هيمشي من غير ضغوطنا إللي استنزفت قدراتهم جميعا على حمايته.

3) إللي يقدر يتواصل وينشر رسالة البديل ده بالصورة أولا (الناس بتتفاعل مع الفيديو يمكن آكتر من البوست المكتوب) ، أو بالكتابة، أو حتى بالدعم. أو أضعف الايمان كف يأسك والشك وتريقتك على إللي بيحاول فليفعل.

حاجة أخيرة لازم جميعا نفكر في تطمين الجيش وعدم استعدائه واحتواء ضباطه.

#كفاية_بقى_ياسيسي