لا مهنية ولا نزاهة

تقارير طالعة دلوقتي لا مهنية ولا حرفية  كلها قائمة على التحريف والتشويه والتوجيه لأشعال الرأي العام اكثر مما هو مشتعل ولدق مسمار اخر في نعش التعايش الوطني القائم في الأساس على فكرة الأحتكام لقواعد محددة عند الأختلاف ...مفيش تقرير عن انتخابات في الدنيا قايم على قالوا لنا .. سمعنا .. اتصلوا بينا .. لا امانة ولا مهنية ولا نزاهة ولا اخلاق.

راقبنا انتخابات وعمرنا ما شوفنا السطحية والتوجيه السياسي للنتائج بالشكل ده, لو على مزاجنا نقول الشعب قال كلمته ولو مش على مزاجنا نقول اتصلوا بينا قالوا لنا ان النتيجة مزورة ومش هنعترف بيها. تدمير لفكرة قواعد الأختلاف من اساسها لأن اغلبنا لا يرضى للأحتكام لأي قاعدة حتى الأحتكام للناس اصحاب الحق الأول.
  .. تعالوا لكلمة سواء بين كل المصريين  : هناك اتهامات بالتزوير ارجو ان يتم التحقيق فيها قضائيا بحيادية ونزاهة وارجو ان نقبل نتائج التحقيق القضائي مهما كانت علشان يبقى في حاجة واحدة في البلد دي ممكن نلجأ لها بدون ما نقول مش لاعبين لو جت مش على مزاجنا .بس بشرط ان يكون التحقيق القضائي وليس الفبركات الأعلامية مصدرنا لأني بصراحة عارف حاجات من اللي بتدور في الكواليس تخلينا لا نثق في جريدة تصدر في مصر