فكرة مبسطة جدا عن الحق والحرية

في خيط رفيع بين حفاظي على حرياتي وحفاظي على حقوق الأخرين هذا الخيط لا يظهر لناس كتير وده اللي بيخلي الناس دول انطوائين او انانيين فاكرين ان الدنيا هي حقوقهم وحرياتهم وبس .. المسألة هنا مش بتيقى لها علاقة بالحرية المسألة بيبقى لها علاقة بتقديرنا لبعض والرغبة في العيش المشترك الذي لا يتحقق الا بتنازلات متبادلة توازن بين الحرية والحق. وفي اكثر المجتمعات حرية في الدنيا يضطر الناس ان يتنازلوا عن جزء من حرياتهم الفردية للحفاظ على حقوق الأخرين.. كنت في المانيا مرة وكان في حارة عربيات فاضية وكنت مستعجل وراكب تاكسي والدنيا زحمة في بقية الحارات (طبعا مش زي الزحمة اللي عندنا) قلت للسواق ما تدخل على الحارة الفاضية عايزين نخلص قالي بحسم دي مش الحارة بتاعتي دي حارة الدراجات. الناس تنازلت عن جزء من حرياتهم في انهم يمشوا في الحارة الفاضية علشان حقوق ناس تانية .. هو توازن دقيق بين الحق والحرية ,فكل حرية يقابلها حق ودون احداث هذا التوازن سننعزل جميعا عن بعضنا البعض وسيتفكك المجتمع ..وكلنا بدرجة مضطرين ان ندفع ضريبة من حرياتنا للحفاظ على حقوق الناس اللي حوالينا.