عن الإستبداد الفاشل البليد

الإستبداد ليس مشكلة مصر الوحيدة , الصين فيها استبداد لكنه استبداد اكثر كفاءة, الإستبداد في مصر فاشل بيحب دائما ان يرقي الفاشلين ويحافظ عليهم في مواقع الخدمة العامة, لؤات وجنرالات لا كفاءة لهم ولا خبرة بيتم ترضيتهم على حساب الناس وبيتم تأكيد سيطرة الطبقة العسكرية على حساب امن وحياة الناس و رفع جودة حياتهم, المشكلة مش في المحافظ المدني المشكلة في الجهاز الإداري والمحلي اللي بيقوده بالأمر المباشر اللؤات والعقداء والعمداء اللي كل خبراتهم في السمع والطاعة وتنفيذ الأوامر. لماذا لم يخرج مدني واحد يقول للجنرال المحجوب انت ستتسبب في كارثة بردم شبكة تصريف الأمطار؟ لأن ببساطة اللواء مش حاطط معاه اخصائين ومستشارين اللواء كان محاط بتنفيذيين ينفذوا الأومر ولا يناقشوها او يفكروا فيها, مش بس شبكة صرف المطر هي اللي اتردمت لا دي مواهب مصر كمان اتردمت, وانقلبت الأية فأما الزبد فبقي واستقر وحكم وتحكم, وأما ما ينفع الناس فتم الردم عليه