النصائح الخمس لفض الخناق عديم الجدوى

نصيحة: 
لا تقدم لخصمك خدمة مجانية .. 
استراتيجية الخصم ان القوى الوطنية المصرية تفضل متبعترة متخانقة مهتمين بكسب المعارك الشعاراتية اكثر من اهتمامهم بتحقيق هدف عملي على الأرض .. 
اي حد ماشي في سكة ان اللي مش بيقول نفس كلامي يبقى وحش ده , شخص اما أرعن او اهوج او امنجي من حيث يحتسب او من حيث لا يحتسب .. المطلوب تأسيس اتفاق الحد الأدنى دلوقتي اللي بيشمل الأتي 
1- كلنا متضررين من الفاشية فلازم كلنا نشتغل مع بعض ونبعد عن تفجير الجسور 
2- كلنا نريد تأسيس نظام ديمقراطي مش عايزين نرجع فلان او علان احنا عايزين نظام يحول الصراع الدموي ده لتنافس سياسي على اصوات الناس والناس تحكم بقاعدة حكم الأغلبية واحترام كل حقوق الأقلية (في مراحل التحول ياريت اساسا كل الناس تبقى مع بعض حتى في الحكم لمدة سنتين او تلاتة علشان ينظموا مع بعض قواعد الإختلاف السياسي والتنافس وبعدين يتنافسوا زي ما هما عايزين) 
3- ان نتفق جميعا ان نستفيد من اخطاء الماضي لا نعيد انتاج الماضي بمعنى عايز تتطلع من الماضي دروس احنا ليه فشلنا اهلا وسهلا عايز تستخدمه للحكم على اللي ناس اللي جنبك في خندق المعارضة يبقى لا اهلا ولا سهلا 
4- ان يتوقف الجميع عن استخدام الدين للحشد السياسي لا احد يحتكر الكلام بأس الأله ولا احد يملك خطاب مقدس نحن نقدم رؤى بشرية يتفق ويختلف عليها الناس لكن ما نتفق عليه جميعا اننا محتاجين وطن يستوعب اختلافاتنا ويحولها لحالة تنافس لتقديم حلول لمشاكل الناس في الدنيا مش في الأخرة 
5- كل التقدير لمن قدم تضحية او واجه الإستبداد لكن لا احد يملك ان يدعي احتكار البلد او احتكار الحركة الوطنية او المزايدة بالتضحيات .. كلنا شايلين طين.