الغرب بيرعى الإرهاب, لا لا الغرب بيرعى الإستبداد , لا لا لالغرب بيرعى عبد الفتاح السيسي , لا الغرب بيرعى ابو بكر البغدادي , لا الغرب بيرعى بشار , لا لا ده بيرعى صدام , لا لا ده بيرعى العبادي, لا لا ده بيرعى الخوميني... كله الغرب الغرب كده؟ مفيش حاجة الثقافة دي وطريقة التفكير دي بترعاها ابدا؟.. مفيش قدرة على الرؤية العابرة حتى ان من سنة 12 هجريا واحنا من استبداد لإستبداد ومن سنة 31 ق.م واحنا من ضعف لضعف بيسلمنا من احتلال لإحتلال؟ هما بس السبب في كل حاجة كده؟ مش احنا يعني اللي كان عندنا حاكم شايف قرايبه بس اللي اهل كفاءة ولما قالوا له ما تعملش كده او سيب الحكم قال لا احلع قميصا البسنيه الله فأسس لدولة دينية؟ , ومش احنا اللي عندنا خليفة جمع البيعة لأبنه بقوة السلاح في الحرم النبوي فأسس بذلك لدولة استبداية وراثية بالدم لا بالكفاءة واختيار الناس؟ مش احنا يعني اللي كان عندنا حاكم كان بيقتل الناس ويعذبهم او يدبحهم علشان خلاف فقهي فأٍس بذلك لدولة الرأي الواحد وبعد موته عملوا كده مع اللي اعتنقوا افكاره؟ مش احنا اللي كان الحاكم عندنا او في ثقافتنا بيقتل اخوه علشان لا ينزعه على سلطة لأن طريقة الإنتقال والتثبيت الوحيدة هي الدم؟ مش احنا بردو اللي بقى لنا الاف السنين حتى من قبل الإسلام مش عارفين نكتشف طريقة للتداول السلمي للسلطة والإدارة السلمية للخلافات والإختلافات؟ يعني داعش دي بس صنيعة الغرب ولم تجد اي سند ديني في كتب التراث وافكار جهاد الطلب ونشر الدين ولو بالقوة؟؟ كله كده بسبب الوحشين اللي في الغرب واحنا مجرد مفعول بينا كده للمؤامرة الكبرى اللي شغالة من سنة 32 قبل الميلاد؟ ده حتى يبقى عيبة اكتر
كل واحد بيقول اصل احنا عندنا شورى وهما عندهم ديمقراطية واللي عندنا احلى من اللي عندهم مسئول, كل واحد بيقول اننا بلاد المسلمين دار اسلام وبلاد غير المسلمين دار حرب مسئول كل واحد بيقول ان جهاد الطلب حاجة عظيمة لنشر الدين مسئول كل واحد عمال يقول ان من مات ولم تحدثه نفس بجهاد (يقصد بالجهاد القتل والقتال ) مات ميتة جاهلية ,مسئول, كل واحد عمال يردد كلام خايب عن المؤامرة المتخيلة والعالم اللي بيستهدفنا و اتبرير الإرهاب علشان اي حاجة وبيدافع عن اسامة بن لادن وبيدافع عن اسقاط الطائرات المدنية وبيدافع عن قطع الأيادي والأرجل والرؤوس في السعودية وايران مسئول كل واحد بيقول ان من حقنا نحارب وناخد نساء الأعداء سبايا وملك يمين مسئول, لا تفخخوا عقولهم ثم تتسائلوا هم بينفجروا ليه.. هذه النسخة من الإسلام اللي اسمها سلفية جهادية لازم يتم اعلان الحرب عليها...
مكينة لتبرير الإرهاب لا تمل فمن لم يجد مبرر للإرهاب بحجة العراق هيجد مبرر للإرهاب بحجة افريقيا الوسطى (اللي ما تعرفش ايه اللي كان مفروض يتعمل فيها بعد فصل القوات الأممية بين المتنازعين ),
وكذلك هتلاقي اللي زعلان على عدم التدخل الأممي في سوريا هتلاقيه هو نفسه بردو زعلان علشان التدخل الأممي في مالي علشان فرنسا الشريرة تدخلت لمنع القاعدة من السيطرة على مناجم اليورانيوم ويسقطوا الحكومة المنتخبة ويشبكوا مع اخواتهم في نيجيريا ويحولوا جنوب غرب ليبيا لقاعدة هجوم على المنطقة كلها ويأسسوا امارة للإرهاب الدولي .. ما سبتيش الإرهابين يسيطروا على اليورانيوم ليه يا فرنسا؟؟
تعليقات
إرسال تعليق