ترامب في الكنيست: خطة سلام تحت تهديد السلاح

في قيم انت مؤمن بيها بتحاول تمررها قدر استطاعتك , وده مش بيحصل بطريقة الية بمعنى ما ينفعش تقول انا مؤمن بالحق والخير والجمال يا جماعة يلا نمررهم في المجتمع... طيب ايه اللي بيحصل علشان تمرر ما تظن انه قيم عليا عندك؟ بتستنى موقف او حالة بتهزك وتحركك وتتفاعل معاها سواء سلبا او ايجابا قبولا او رفضا وتقول رأيك في الموضوع بحيث ان رأيك ده بيبقى فيه ضمنا القيم والأفكار اللي انت يتعتنقها... ده بالظبط اللي حصل في موضوع ابو عبد الرحمن ومدام دلال.. الموضوع مهم لأنه فعلا بيواجهك بحقيقة قيم منتشرة في المجتمع المصري انت شايف انها لازم تتحارب ما استطعت لذلك سبيلا وعلى راسها فكرة ان الدكر يعمل اللي هو عايزه لمجرد انه دكر اي ما كان سنه بما في ذلك انتهاك حرمة جسد الأنثى ( مع الأخذ في الإعتبار ان عبد الرحمن طفل مكانش قصده كده لكن ابوه الحقيقي او المزيف كان قصده كده), وان الأنثى مقموعة مربوطة مجرد حاجة بتتشال وتتحط ومدانة دائمة اي ما كان سنها .. المحادثة كانت مهمة لأنها بتبين الأفكار دي في شكلها الخام بطينها وعبالها وهبلها وانحطاطها وتخلفها ... سواء كانت المكالمة متفبركة او حقيقية فكان لازم الشكل ده من القيم والأفكار يتحارب, والأب ده ان كان حقيقي او مجرد مقلب يتفضح لأنه مش بيمثل حالة عابرة بل بيمثل القيم السلبية اللي انت بتحاربها.. الموضوع لا الشخص هو المهم والفكرة لا السياق هو اللي خلانا نهتم بالموضوع.. فمفيش معنى بقى ان كل مرة تقولنا انتم ليه بتنشغلوا بالحاجات التافهة وتسيبوا الحاجات العميقة بتاعتي, لأن اللي انت بتشوفه تافه هو بيلمس قيم جوهرية عند غيرك فبينفعل بيه ويتفاعل معاه.. التحاذق اللي كلنا بنقع فيه احيان كتيرة بما فيهم انا والترفع على الناس واهتمامتهم والتباهي بأننا الواد الجن المترفع على المواضيع بتاعة الحرافيش دي بيخلق بينك وبين الناس حاجز وبيخليك تظهر كمن يتكلم اليابانية وسط ناس بتتكلم عربي. منفصلا قيميا وذهنيا عنهم .. انا طبعا احيانا مش بأهتم بمواضيع بعينها فكل اللي باعمله قدر امكاني اني اتجاهلها وما اعلقش واللي عايز يهتم بيها يهتم , بتحصل والله لكن من حق الناس يبقى ليها اهتمامات متباينة ومن حقنا كمان نعمل تريندات على حسب اهمية الموضوع والقيم اللي بيتعرض ليها .. دومتم مشاركين في النقاش العام