مانديلا من غير عدة الشغل

طيب بالنسبة للأخ المثقف اللي مستني يظهر مانديلا مصري ينقذ البلد من حالة الأنزلاق للعنف انت مش واخد بالك ان اللي كان بيعمله مانديلا او غاندي انه كان بيحاول انه يلائي حلول وسط تشارك الطرفين في جزء من المكسب وجزء من الخسارة فلا يتحمل طرف كل الخسارة ولا يتمتع طرف بكل المكسب وبما ان سيادتك رافض الحل ده من المبتدا فأزاي متخيل انك تصنع مانديلا وغاندي وانت بتحتقر  ادواتهم وبترفض استراتيجياتهم ومش عجباك عدة الشغل بتاعتهم؟؟؟!!!!  مانديلا وغاندي كانوا اشخاص عظام لأنهم ساهموا في تحقيق الدمج المجتمعي ولم يكونوا زعماء فصائل او بارونات حرب ولم يستسهلوا غريزة مطاردة الخصم والرغبة في تدميره او حذفه بقرار فوقي من المشهد السياسي .. مانديلا وغاندي كانت لديهم عدة شغل لكي تنجح عملياتهم الجراحية في المجتمعات التي انشغلوا بها اهمها انهم قبلوا انهم في الدنيا دي مش لوحدهم وان الناس لهم تطلعات ومصالح وافكار متباينة وفي احيان كثيرة متعارضة وعملوا على التوفيق بين هذه الأرادات المتعارضة بتنازلات مشتركة , ومن غير عدة الشغل دي لن تنجح اي عملية تحول ديمقراطي في مصر..علامات الأستفهام  والتعجب كترت اوي في البلد دي.