السجن بتهمة التحريض ضد التلاجة المصرية

النظام المخابراتي العسكري البوليسي ده كان عايز يكتسب صفات الهية ويمنع الناس من نقده لكن مكانش عارف يقول للناس كده مباشرة بردو ما يصحش الجو ده انتهى من سنة 1370 ق.م فطلعوا لنا في اختراع جديد كما لو كان اكتشاف وهو مصطلح الدولة المصرية , كما لو كانوا لقوا العجل المقدس اللي هيتدبح الجميع على مذبحه ,, اسجن ده علشان بيحرض على الدولة المصرية, حاكم ده علشان عايز يفكك الدولة المصرية, اقتل ده مفيش اي مشكلة علشان ضد الدولة المصرية... هو فاكر اضافة كلمة مصرية لكلمة الدولة زي اضافة كلمة اسلامية كده هتحصنها من النقد.. الدولة جهاز وظيفي يعني بيقوم بوظائف محددة وكأي جهاز وظيفي من حق الناس تحكم على اداءه بالسلب او الإيجاب ومن حقها تطالب بأصلاحه لأنه زيه زي اي جهاز معرض للتلف او العطل الكلي او المؤقت ... ,وبخلاف انه وظيفي فهو جهاز عضوي, يعني مكون من اعضاء (زي تروس المكن كده) ممكن تغيرها او تستبدلها وتنتقدها دون ان يتفكك الجهاز نفسه... 
ما تشتمش المروحة دي علشان دي مروحة اسلامية , ما تغيرش التلفزيون ده علشان ده تلفزيون مصري... لو جيبت سيرة البوتاجاز هاسحقك .. السجن بتهمة التحريض ضد التلاجة المصرية