الإنتخابات تاني وتالت

ملخص الكلام.. محدش بيقفز من المربع صفر الى المربع 100 مرة واحدة ,, لازم في النص تعدي على محطات هي في الغالب اقل من طموحاتنا لأننا كلنا عايزين نبقى في المربع 100 اللي شايفينه الأفضل والأحسن لكن الواقع يتحرك وفق قوانين المقاومة والإحتكاك اللي بتبطىء الحركة بالضرورة.. يناير كان لازم يبقى قبلها كفاية والغد و6 ابريل والجمعية الوطنية وخالد سعيد وانتخابات 2010 . .. كل دي محطات وصلتنا ليناير, وكذلك الأمر في تركيم النضال المدني والمقاومة الديمقراطية.. مش هيحصل ان الناس هتتغير بين يوم وليلة ومش هيحصل ان الحركة التنظيمية هتتخلق بكرة الصبح بقرار من شخص ما اي ما كان نبل مقصده.. الحركة التنظيمية هتتخلق من الحالة الإنتخابية وزخم التنافس الإنتخابي, وهتنضج بالمعارك على اصوات وعقول النااس, حتى لو اضطر النظام للتزوير والقمع لكن التواصل مع النااس في لحظة انتخابات وهم مؤهلين لسماعك هيوفر عليك مجهود محاولة التواصل الإنتحاري في غير اللحظة الإنتخابية... تجارب تحول كتير في ظل انظمة حكم عسكرية تنظم انتخابات احتفالية نجحت لأنها استطاعت ان تحول الإنتخابات الإحتفالية والديكورية الى حالة تنافسية فعلية وهزمت النظام العسكري على ارضه وبأدواته.