سر العداء للتجربة الإنسانية

مش عارف ايه سر العداء الغريب للعلم والمنطق والتجربة الإنسانية في البلد دي؟؟؟كل لما اقول لحد العلم بيقول والتجارب بتقول المنطق بيقول يقولي تنظير.. طيب هاتوا انتم بقى ياللي مش بتوع التنظير حل للقرف والإستبداد اللي احنا فيه ده.. بلد ماشية بالفهلوة وكراهية العلم وتقديس الفتاوي عمرها ما هتيجي يوم قدام.. انتم تسيرون عكس التاريخ والعلم والمنطق يا منظري الإستبداد والعنف والكراهية.

الديمقراطية لها طريقة محددة والتحول الديمقراطي له وصفة اللي يطبقها بيفلح اللي بيكابر بيفشل الوصفة ببساطة

 1- يجلس جميع الفرقاء والقوى الحية في المجتمع مع بعض ليحددوا شروط التنافس السياسي دون اقصاء او تهميش او تمييز

2- ابدأ التنافس بدون اقصاء لأي من القوى السياسية دون استخدام قوة مسلحة او شعارات وطنية او ثيوقراطية تنسف التنافسية وتعطي ميزة فوقية لقوى دون اخرى ..

 3- ابدأ التنافس دون اقصاء مع احترام حقوق الإقليات السياسية او اي اقلية اخرى 

 4- احترام الأقليات لحق الأغلبية في الحكم دون تحريض بالإنقلاب على القواعد الديمقراطية.

 5- استمر في التجربة دون النكوص عليها مع اول ازمة, بحيث ان استمرار التنافس السياسي السلمي يسمح بالتغيير الدوري للقوى الحاكمة وعدم احتكار الحكم من قبل مجموعة او جماعة بعينها والسماح ويسمح التنافس بتجديد الأفكار والرؤى والحلول.