ازمات مصر الكاشفة لثنائية السادة والعبيد .............

في ازمة تصريح وزير العدل السابق بتاع ابن عامل النظافة لا ينبغي ان يعمل في القضاء حتى لو اجتهد وتفوق التي على اثرها قدم استقالتها لأنه قال الحقيقة عارية وليس احتراما للرأي العام ولا حاجة (لو بيحترم الرأي العام مكانش جاب الزند اصلا).. في الأزمة دي كتبت بنت النائب العام مروة بركات على حسابها "تصريحات وزير العدل ليست عنصرية , ان ربنا خلقنا طبقات, ولا هنعترض على كلام ربنا .. لكن هذا الكلام الذي صرح به الوزير لا يجب ان يقال لأنه يسبب وجع " ..ما اغفلتها ابنة النائب العام ان فعلا ربنا خلق الناس درجات لكن الناس بتتمايز بعملها وعلمها مش بنسبها , وناس تقيم بعضها بانت عملت ايه واجتهدت قد ايه واتعلمت قد ايه مش بفكرة انت ابن مين... الكلام اللي كتبته بنت النائب العام كان ممكن يخليها تتحاسب علشان التصريحات العنصرية او الطبقية اللي قالتها .. الحقيقة بنت النائب العام اللي قالت الكلام ده لا اتحاسبت ولا حتى حد قالها عيب كده .. ده تم قبولها في اول دفعة للقاضيات الإناث على المنصة يعني هتقعد على المنصة تحكم وتؤمر وتقول مين بريء ومن مدان بكل هذه العقد وكل هذه الطبقية وكل هذا التفسير الفاسد للدين وكل هذا الإستعلاء على خلق الله