انت مش بتحمي الشرطة ليه!!!!

في توقع ضمني من الناس اللي عمالة تتخانق مع الشعب اللي مش بيدافع عن الشرطة لما بتتعرض لعنف التوقع ده مفاده ان المفروض ان ما يحصلش اي رد فعل على قمع الدولة المبالغ فيه, هما بيقولوا ببساطة ان المفروض ان الناس تاخد بالجزم حرفيا ويترتب على كده ولا حاجة, لا وبعضهم كمان بيقول مش بس يترتب على كده ولا حاجة ده كمان المطلوب من الناس اللي بتاخد بالجزم دي لما يشوفوا اللي بيدوهم بالجزم بيتعرضوا لخطر ينزلوا يحموهم؟؟؟ التوقع ده بالإضافة انه ساذج ويتسم بسخف شديد هو كمان توقع بيتبنى لغة النظام نفسه حتى لو قاله المعارضين.. كتر خير الناس اوي انها واخدة موقف سلبي من كل اللي بيحصل لأن في ظروف شبه الظروف اللي احنا فيها الناس كانت ممكن تاخد موقف اكتر راديكالية... اتلهوا على خيبتكم وبطلوا افورة...