انكشاف حجب 30 يونيو

لأن زي ما في سياق زمني في بردو انكشاف لما كان محجوب بحكم المعاصرة , المعاصرة حجاب زي ما بيقولوا... في حاجات انكشفت لينا ممكن نقولها للي جاي بعدنا لأن اللي قبلنا ما قلوهاش لينا تحت نفس الحجة وهي حجة انها كانت بنت زمانها يا جماعة .. لازم نقول للي جاي بعدنا دوروا بأيديكم واسنانكم على نقط مشتركة بينكم وبين خصومكم وابنوا عليها نظام محدد ومقبول من الجميع لحل الخلافات حتى لو خسرت خسارة مؤقنة, لا تتحالفوا ابدا مع مؤسسة مسلحة ضد خصومكم (المسلح هيغريه السلاح ان يستخدمه ضد الكل) , لا تسفهوا من قيممة الحوار وتقولوا لازم يبقى له اجندة ولو بقى له اجندة قولوا لازم الأجندة تتحقق الأول وبعدين نقعد (زي ما عمل الخايب اللي اسمه البرادعي) , ما تصدقوش ابدا ان الجيش هيلعب لصالح الديمقراطية , بقاء نظام ديمقراطي معيوب يخطأ ويصيب افضل ضمانة لتطوير الديمقراطية لنفسها , امنحوا الناس فرصة مراجعة الغلطة الأولى بمعنى ان الناس اللي انتخبت الحزب الفلاني او الرشح العلاني واتضح لهم انه مرشح فاشل (زي مرسي كده) هيعرفوا يطوروا اختيارتهم في المرة التالية المهم يبقى في مرة تالية مش كل لما نغلط في اختيار مرشح نجري على الجيش... ممكن فصيل واحد يفوز في نظام ديمقراطي لكن كل الفصائل المؤمنة بالتداول الديمقراطي على السلطة مدعوة لأن تعمل معا لتأسيس قواعد هذا النظام وطرق فض منازعاته... الكل يخطأ وافضل من يخطأ هو من يستفيد من اخطائه ويراجعه حتى لا يعيد انتاجها في المستقبل (زي الأخوان اللي كل مرة يتحالفوا مع العسكر في اول كل تغيير وبعدين ينقلب عليهم العسكر بمذابح في الأخر)... التنافس السياسي يستمر وينمو حينما يتخلى كل الأطراف عن ادعاء ان ما يقوله مقدس ديني او وطني لا يجب نقده ومن ينتقده كافر او خاين ... كل التجارب الناجحة من حولنا هي التجارب التي دمجت الجميع طالما التزم بشروط التنافس السياسي وكل التجارب الفاشلة هي التجارب التي اسستغرقت في فكرة الغاء المنافس او استبعاده وبددت الجهود في محاولة استبعاد او الغاء المنافس لا محاولة دمجه .. انظروا لمن تعلم من اخطائنا حولنا او بعيد عنا