الأزمة الخليجية ومطلب تصفية الإحوان

مطلب اعتبار الاخوان جماعة إرهابية هو المطلب الاساسي من دول المقاطعة لقطر وأي حاجة تانية هي بس كوموفلاش لطيف علشان يسوقوا المطالب دوليا .. المطلب ده تحديدا اتطلب من امريكا وبريطانيا والاتحاد الأوربي لكنه قوبل بالرفض أو الارجاء أو دخل في نفق المناقشات البرلمانية والمناقشات المضادة زي ما حصل في امريكا اللي رفض فيها الكونجرس مطالب مشابهة, (والسبب في كده ان الدول دي بتعتبر الأخوان خط فاصل بين الأسلاموية السياسية والإسلاموية الجهادية يهمهم الحفاظ عليه حتى لا ينزلق مزيد من الإسلاميين في مربع العنف الجهادي ودي حاجة مش في دماغ صانع القرار العربي اللي مش متعود على عقلية التوافق او ال compromise الأوربية والأمريكية لأنه بيتصرف من منطق هو اتعود عليه في بلده وهو الإقصاء الكامل للخصوم). كان ايه رد الدول الخليجية على الرفض الأوربي والامريكي? لا قاطعت ولا هددت ولا اتكلمت اصلا .. لكن الرغبة الشديدة في بسط النفوذ علي طرف أضعف هي اللي حركتهم ضد قطر . عجبتنا قطر او ما عجبتناش فهي بتمثل نقطة توازن مهم استمرارها لتوازن القوى وعدم سيطرة حلف زايد سلمان على المنطقة .. هذا التنوع والتوازن هو وحده القادر على خلق جدل مفيد لأي تطور في المستقبل في المنطقة الناطقة بالعربية.