التحالفات المفقودة في الثورة السورية

1. لن تنتصر في اي حرب الا اذا كان لديك مشروع واضح وحلفاء يمكن ان تشكلهم لتقوية جبهتك. لما قامت الحرب في شبه الجزيرة الكورية واجتاح الشيوعيين الجزيرة كان لازم على القوميين يشكلوا تحالف مع الغرب علشان يرد الشيوعيين, لو ما عملوش كده كانوا خلصوا واختفوا من الكوكب, لو الروس مكانوش ضموا على الإنجليز والأمريكان في الحرب التانية كان النازي ركز هجومه عليهم ويمكن كان انتصر.. وهكذا .. مفيش حاجة اسمها انك تبقى ضد دول وضد دول في نفس الوقت دي اسمها تفاهة وعته وحالة متأخرة لا ينصح بها , لو خصمك عرف يكون جبهة تحالف زي اللي كونها بشار مع الروس والأيرانين وحزب الله فإنتصارك عليه ليس بالترفع وشتيمة كل من يفكر ان يقدم لك يد العون حتى لو له مصالح , ما هو طبعا لازم يبقى له مصالح ومن حسن حظك بقى ان مصالحك تلاقت مع مصالحه , استغل بقى اللحظة ورتب جبهتك وشكل تحالفاتك مش تقعد تشتم في الكل وتقولي اصل الأمريكان لهم مصالح والفرنساويين لهم غرض, ما شاء الله جيبت التايهة انت كده وعرفتنا المستخبي...
   بص يا عم الجامد جدا السياسي الشاطر بيعرف يصيغ تحالفات تخدم مصالحه ويستغل تلاقي المصالح مش بيهرب منها والحقيقة ده مش موجود في تشكيلات المعارضة في سوريا ولا موجود حتى في المتعاطفين مع الثورة في سوريا شوية هواة عديمي الرؤية والخيال والموهبة وزي ما عرفوا بمنتهى الخيابة انهم ينفروا كل حلفائهم بالخطاب السلفي والديني الزاعق في خطابهم مما ارسل رسالة تخويف لكل الحلفاء المحتملين, بيضيعوا بردوا فرصة جديدة لتشكيل تحالف يقدر على الأقل ينقذ ما تبقى من مشروع مقاومة الأسد
2. 
   
   زعلان من ضرب سوريا!!!! عايزك الاول تحدد لي اي سوريا تقصد اللي بتقول انك زعلان انها بتضرب؟ لو تقصد سوريا اغلبية المدنيين فاحب اقولك ان اكبر خطر على سوريا دي هو نظام بشار وحلفائه الروس والايرانيين وبعض اللبنانيين. واي ضربة لتحييد قدراته وتقويض قوته هي في صالح الاغلبية دي لان النار لا تسكتها الا النار مش صالح دعواتك وشتيمة الاشرار والدعوة البليدة الخاملة باهلاك الظالمين بالظالمين واخراج سيادتك من بينهم سالمين كتعبير عن العجز البليد. اما بقى اذا كنت تقصد بسوريا نظام الاسد فتمام جدا وضح كده وقول انك مع فكرة فليموت الجميع ويبقى الطغاة. الحكومات اتعملت علشان صيانة امن الناس والحكومة اللي تبقى خطر على امن ناسها هي خطر قاتل يجب ازالته