الجدع صفوان

1

تم تصفية وحدة حدودية بالكامل ظابط احتياط وأفراد الوحدة في طريق العوينات... حد اتحرك؟؟ .. حد طارد المجرمين؟؟ حد عرف هما مين؟؟؟ طيب هل استقبلوا اشارات الإستغاثة وأتعاملوا معاها؟؟؟ طيب اتحركت الطيارات علشان تمشط المكان؟؟ كل الأجابات لأ لأ لأ ... اصل جيشنا عامل كمين تحت بيت صفوان علشان الأمن القومي وكدهون.. 

جملة إاعتراضية :يا محلا رجعة ظباطنا من خط النار...

 2
 والله ما كنا بنضرب الودع ولا بنشوف الغيب لما قلنا ان الظلم دايرة لو بدأت بخصمك هتيجي عليك.. ولو بررت النهاردة ما يفعلوه في الأخوان او من يرفع صوته ضدهم ستجد غدا من يبرر ما يفعلوه معك.. بس انتم اللي مصرين تخالفوا قوانين الطبيعة وقواعد المنطق.. وبردوا لسة شغالين في نفس نغمة نوارة نجم "ربنا يخلف ظنونا" .. الحقيقة المؤلمة التي لا تريد ان تراها  للأسف انتم في عالم الواقع الأسود لا عالم الظنون. 
جملة إعتراضية: انهم يريدون اسكاتنا,
 لا بل هم يستهدفون تصفيتنا.

3
صفوان كان جايب 77 الف صوت في الأنتخابات البرلمانية اللي فاتت في دايرة المنتزة نزل معركة شريفة ضد الأخوان والسلفيين معركة بالسياسة والصندوق مش بالدم والنار... بعد 3 يوليو الأسود اتطلب منه انه يجهز نفسه الأنتخابات قربت انزل يا صفوان , اسكت يا صفوان, طبل يا صفوان, الأخوان يستاهلوا يا صفوان , العسكر عليه سكر يا صفوان, صفوان رفض وقالي مش بطولة ولا موقف عنتري بس انا باحب انام وانا بأحترم نفسي ..
 جملة أعتراضية: احترم نفسك تكسب.

 4

استنى دورك انت كمان.. هما بس هيبدأوا بالخصم الشريف اللي وقف ضدهم ورفض الظلم من اول لحظة اما بقى كل ندل كان معانا وقرر انه يطبل للعسكر حتى يلتحق بالفرقة الناجية بردوا هيجي دوره لأن محدش بيثق في ندل حتى تحالف العسكر والحرامية الحاكم بالقوة المسلحة الآن لن يثق فيكم. 
جملة إعتراضية: السجن ما بيكسرش راجل .. بس الشدة بتبين الندل.

احنا جزء من سلسلة مقاومة طويييييييييييييييلة ضد فسادكم وإستبدادكم , لا بنخلص ولا بنزهق ولا بننكسر, بنخسر جولات اه بنحبط شوية ممكن لكن الأكيد ان الآخر مش بتاعكم وانتم مش هتنتصروا في النهاية  لأنكم عكس الزمن.. لما كنا بنقول كله هيجي عليه الدور مكنش قصدنا احنا بس.. كان قصدنا ان احنا بعد ما ندفع تمن حرياتنا انتم هتدفعوا تمن اجرامكم وكله هيدفع على قدر حسابه.. مش مجرد توقع لكنه وعد .. الحرية للجدع فعلا صاحبي Safwan Mohamed