التوأم الملتصق للديمقراطية

وتقول أسطورة العبيد احنا شعب ما بيحيش غير بالكرباج. ليه يا عم مش بنيجي غير بالكرباج؟ يرد عليك بخليط من الجهل و البجاحة انت ماشوفتش لما الشرطة رجعت كل الناس بقيت ملتزمة وخايفة وقلت الحوادث والمخالفات ازاي. 

يا سادة الديمقراطية لها توأم ملتصق لا ينفصل عنها  ولا تسير من دونه اسمه دولة القانون، وأي شعب اذا ما تساوى أمامه الصواب والخطأ ففي الغالب هيعمل الخطأ بما في ذلك الشعب الألماني نفسه.

 طبيعي جدا أن في غياب القانون أو تطبيقه بصورة انتقائية هيستسهل الناس الفوضى وهيلجأوا لمخالفة القانون. طبق القانون على الكل بدون تمييز لصالح أحد أو ضد أحد وفي كل وقت وفي حكم أي رئيس مش في الوقت اللي يناسب الداخلية ومع الرئيس اللي ترضى عنه الداخلية، وسوف تندهش من أن الشعب المصري زيه زي بقية خلق الله مش معجزة ولا طفرة جينية. 

 

 حط النظام وبعدين الأول لوم الناس على عدم التزامهم. والنظام ببساطة ديمقراطية ودولة قانون.