خواطر الذكرى الخامسة - يناير التي تفزعهم وتدينا الأمل

1
خلينا نحط خط فاصل بين اللي دفعته ظروف الملل من وجه مبارك او ظروف انه يظيط مع الظيطة او يشارك في الزحمة او انه ليس له مكان بين حرامية مبارك فشارك في ثورة يناير , ثم انتهى دوره بمجرد ما انتهت الهيصة او الظيطة او اصبح لقولة لأ تمن غالي او لقى لنفسه مكان موعود في صفوف السلطة او كل ما قرب لها من فعل او عمل من ناحية... 
وبين ابناء يناير الحقيقين الذين نزلوا للإنتصار لقيم وافكار وحقوق ودافعوا عن قيمة الحرية وقيمة الديمقراطية وقيمة ان الناس متساويين في الحقوق والواجبات لا فرق بين عسكري و مدني و لا يوجد اسياد وعبيد ولا مواطنين على دماغهم ريشة ومواطنين على دماغهم جزم .. فرق بين من شارك لأنه يريد ان يجرب استبداد اخر لأنه زهق من استبداد مبارك وبين من شارك لأن نفسه الحرة لا تقبل الإستبداد اصلا . المجد لأبناء يناير القيمة والمعنى والفكرة فقط لا غير 

2
اثناء لحظات التراجع يجب ان نؤسس لنقط تجميع , meeting points زي ما بيقولوا الخواجات , 
جزء منها اللي الناس بتعمله على السوشيال ميديا ده, زي هاشتاج انا شاركت في ثورة يناير , فيردوا هما بهشتاج يجمعهم ضدنا وهو هشتاج انا ما شاركتش في ثورة يناير.... لو الهاشتجات دي بالنسبة لهم مش مهمة ومش مؤثرة مكانوش اهتموا بيها , لكن الحقيقة هما مهتمين لدرجة ان الصحف المحسوبة عليهم بتفبرك خبر تصدر الهاشتاج المضاد... احنا في لحظة تشتيت اي مجهود اي فعل او حركة تقوم بدور التجميع ده فهي مهمة , لا تشتتوا الهاشتاجات لأن الهدف تجميعي مش تسجيل موقف ولا كتابة موعظة او حتى بطولة اكثروا من اللي بيجمعنا , النهاردة نتجمع هنا وقريب نتجمع في الميادين

يناير يجمعنا