العربية من غير موتور والبعض يصر انها ستدور

الليبرالي قضيته الجامعة هي الحرية والتنافس الحر السلمي بين الاراء والافكار والقوى المختلفة في المجتمع ومؤمن أن التنافس والحرية هيحرروا طاقات المجتمع وهيضمنوا تطوره فعلشان كده مفيش ليبرالي حقيقي هيقولك أن عبد الناصر كان حلو بس كان له عيوبه ولا يقولك مقولة الحق التي يراد بها الباطل للدفاع عن عبد الناصر بتاعة أن كل حاكم له عيوبه ومميزاته . لأن ببساطة الحرية عنده هي مفهوم الأساس اللي بدونه يصبح أي إنجاز عبث وأي خطوة هي خطوة في اتجاه الهاوية حتى لو كانت إلى الأمام وبالنسبة له بلد من غير حريات زي عربية من غير موتور حتى لو كانت عربية مرسيدس أو فيراري. لذا فمتزعلش اوي من ليبرالي مش ظايط في ظيطة مشروعاتك القومية ولا مؤتمراتك الاقتصادية ولا طائراتك الأمريكية منها والفرنسية كل ده بالنسبة له تجميل في العربية مع الإصرار أنها تبقى بدون موتور. والحمقى مصممين أنها ستشارك في سباق الفورميلا وان لمجرد أننا بنعمل عمرة في الشاسيه . نركب الموتور وبعدين نتفاهم بقى على شكل الشاسيه ولون الصالون.